Лекция. Соғыстан кейінгі жылдардағы Қазақстан 1946 1970 жж Қоғамдық-саяси және мәдени өмірдегі өзгерістер

6- лекция.Соғыстан кейінгі жылдардағы Қазақстан (1946 – 1970 жж

1. Қоғамдық-саяси және мәдени өмірдегі өзгерістер

2. Халық шаруашылығын дамытудағы сәтсіз реформалар

Қоғамдық-саяси жүйеде 20 жылдардың ортасында орныққан қатаң әкімшіл-әміршілдік жүйе ХХ ғ. 40–50 жылдары шарықтай түсті. Бұл қоғамдық-саяси өмірдің барлық саласынан көрініс апты. Адамның табиғи құқығын шектеу, ұлттық мүддені ескермеу, мемлекеттік басқару жүйесіне ықпал жасау сияқты олқылықтардың шегі болмады. Қоғамдық-саяси және мәдени өмір орталықтан басқарып отырған Коммунистік партияның қатаң бақылауына алынды. Сталиннің жеке басына табыну қоғамдық өмірде берік орын алды. Үкімет басшылары түрлі желеулермен заңдылықтарды өрескел бұзып, мемлекеттік билікті теріс қолданып жатты.