Үйрету және жаттықтыру әдістері

Үйрету және жаттықтыру әдістері

Үйрету әдістері - бұл мұғалім жұмысының әдіс- тәсілдері мен амалдары, оларды қолдана отырып қысқа мерзімді мәселені(жүзу дағдыларын дамыту) тез және сапалы шешуді қамтамасыз етеді.

Жүзуге үйрету кезінде әдістердің үш негізгі тобы қолданылады: ауызша, көрнекі және тәжірибелік.

1. 
   Сипаттама;
   
2. 
   Түсіндіру;
   
3. 
   Баяндау;
   
4. 
   Сұхбат;
   
5. 
   нұсқаулық;
   
6. 
   іс-әрекеттерді талдау және саралау;
   
7. 
   командалар мен бұйрықтар,санау.
   

Сөйлеудің эмоционалды бояуы сөздердің мағынасын күшейтеді, оқу және тәрбие мәселелерін шешуге көмектеседі, мұғалімнің өз ісіне және оқушыларға деген көзқарасын көрсетеді, оқушылардың белсенділігін, өзіне деген сенімділікті, сабаққа деген қызығушылықты оятады.

Жүзудің өзіндік ерекшеліктеріне байланысты барлық қажетті түсініктемелер, іс-әрекеттерді талдау және бағалау құрлықтағы сабақтың дайындық және қорытынды бөліктерінде жүргізіледі. Суда тек қысқа командалар, бұйрықтар мен есептеулер қолданылады, өйткені қатысушылар үшін есту жағдайлары нашарлайды, сонымен қатар суық тиу қаупі артады.

Сипаттама. Ұйретілетін қозғалыс туралы алдын-ала түсінік қалыптастыру үшін қолданылады. Оның ең тән элементтері ғана сипатталады,неге осылай жасау керектігін түсіндірілмейді.

Мектепке дейінгі, бастауыш мектеп жасындағы балаларды оқыту кезінде қозғалыс сипаты туралы түсінік қалыптастыру, қозғалыс бағытын және оның түпкілікті нәтижесін дауыстап айту қажет. Мысалы: «Есу –артқа; Есу - алға; Есу –оңға; Есу - солға; Есу –төмен; Есу - жоғары және т. б.»