Қызылорда қалалық мәслихатының кезекті XXXXXI сессиясының 2015 жылғы «24» желтоқсандағы 51/3 шешімімен бекітілді

Қызылорда қаласы бойынша республикалық саяси партиялар мен саяси ұйымдардың 6 филиалы тіркеліп қызмет қызмет атқаруда, атап айтқанда

1. «Нұр Отан» партиясының Қызылорда қалалық филиалы;

2. Қазақстанның Коммунистік партиясының Қызылорда облыстық филиалы;

3. Қазақстан Коммунистік Халық партиясының Қызылорда облыстық комитеті;

4. Қазақстан социал-демократиялық «Ауыл» партиясы қоғамдық бірлестігінің Қызылорда облыстық филиалы;

5. Жалпыұлттық социал демократиялық партиясының Қызылорда облыстық филиалы;

6. Қазақстан демократиялық «Ақ жол» партиясының Қызылорда облыстық филиалы.

Аталған партия өкілдіктерінің қатысуымен саяси партиялар мен қоғамдық ұйымдардың бірігуін қамтамасыз ету мақсатында азаматтық қоғам бастамаларын дамыту, қоғамдық процестерді одан әрі демократияландыруға бірлесіп атсалысу бағытында іс-шаралар ұйымдастырылуда.

Қала әкімдігі жанында қоғамдық келісім кеңесі құрылып, құрамына мемлекеттік орган қызметкерлерімен қоса, саяси партия, үкіметтік емес ұйымдар, жастар ұйымдарының өкілдері, ардагерлер кеңесінің мүшелері енгізілген. Кеңес отырыстарының күн тәртібіне азаматтардың конституциялық құқықтары мен бостандықтарын сақтау, ішкі саяси тұрақтылықты нығайту мәселелері шығарылып, тиісті шешімдер қабылдануда.

Қызылорда қаласында әйелдер ісі және отбасылық-демографиялық саясат бойынша қала әкімдігі жанынан құрылған комиссия жұмыс жасайды. Комиссия құрамын беделді тұлғалар құрайды, олар мемлекеттік орган басшылары, жергілікті мәслихат депутаттары, кәсіпкерлер, журналистер, ҮЕҰ мүшелері. Комиссияның негізгі мақсаты - әйелдердің азаматтық белсенділігін арттыру, жоғары білімді, саяси мықты әйел кадрларды мемлекеттік басқару ісінде ер азаматтарға лайықты бәсекелес болуы керек.

Бүгінгі күні қалада 268,9 мың тұрғын болса, соның 137,5 мыңы немесе 51 пайызы әйелдер. Мектептерде 5658 ұстаз болса, соның 4937-і немесе 87 пайызы әйелдер. Бизнес саласында жемісті еңбек етіп жүрген адамдардың 27 пайызын әйелдер құрайды.

Қала әкімдігіне қарасты салалық бөлімдер мен мекеме басшыларының ішінде 2 басшы, қалалық мәслихат депутаттарының 4-і, қалаға қарасты 55 мектептің 32-сінің директоры, сонымен қатар «Өнер» музыкалық мектебінің, Оқушылар сарайының директорлары да әйел азаматтар.

Елімізде азаматтық белсенділік танытып, өзекті мәселелер бойынша ұтымды ұсыныстар беріп, қажетті шешімдердің қабылдануына ықпал етіп жүрген әйел азаматтар басқаратын 68 үкіметтік емес ұйымдары жұмыс жасайды.

Қала әкімі жанындағы әйелдер істері және отбасылық-демографиялық саясат комиссиясы үкіметтік емес сектормен, депутаттық корпуспен және жергілікті БАҚ бірлескен жұмыстарын жалғастырып, гендерлік саясаттың мемлекеттік бағдарламасын бұдан әрі қарай іске асыра береді.

2013 жылы тіркелген қылмыстардың 15,5% (9781/11297) өсім алуының негізгі себебі – қылмыстар туралы арыз – шағымдарды есептен жасыруды болдырмау мақсатында толығымен тіркеу арқылы, облыс көлемінде нақты статистикалық мәліметтерге қол жеткізу болып табылды.

Барлық ІІО-да арыз – шағымдарды электрондық түрде тіркеу тәртібі енгізіліп, «on-line» режимінде прокуратура органдарына қосылды. Әрбір арыз-шағымға полициямен талон – хабарлама беріліп, прокуратураның «Call-центр» арқылы азаматтар өздерінің арыздары бойынша қабылданған шешімді қарау мүмкіндігі туды.

2012-2014 жылдары өңірімізде жасөспірімдер қылмыстылығының тұрақты төмендеуі байқалғанымен, 2015 жылдың 9 айында бұл санаттағы қылмыстардың өсім алуына жол берілді (кесте).

2015 жылдың 9 айында жасөспірімдердің өсім алуының негізгі себептерінің бірі - қылмыс жасаған жасөспірімдердің ата-аналары мен мұғалімдері тарапынан баланың жүріс-тұрысына бақылаудың төмендігі, қылмыс жасаған жасөспірімдердің жанұядағы әлеуметтік жағдайдың төмендігі (жалпы қылмыстың 34,2% немесе 25 қылмыс еш жерде оқымайтын және жұмыс істемейтін жасөспірімдермен жасалған).

2015 жылдың 9 айында ата-ана құқығынан айыру жөнінде 12 әкімшілік материал сотқа жолданды (есепте 272 қолайсыз отбасы тұр). Соттармен 6 адам ата-ана құқықтарынан айырылып, 6 ата-анаға 6 айға шектеу қойылды.

Жасөспірімдердің арасында қылмыстылықтың алдын алуда «мектеп» полицейлерін тиімді пайдаланудамыз. Мектептерде жалпы 110 «мектеп» полицейлері қызмет атқаруда.

2013-2014 жылдары және 2015 жылдың 9 айында облысымызда бұрын сотты болғандармен жасалған қылмыстар саны өсім алған (кесте).

Кесте 32. 2012-2014 жылдары және 2015 жылдың 9 айында бұрын сотты болғандармен жасалған қылмыстар саны туралы мәлімет

Өсім алудың бір себебі, өткен жылдары орын алып, 2015 жылы ашылып, аяқталған 41 қылмыстық істер болып отыр (2012 ж - 1, 2013 ж - 4, 2014 ж - 36).

Атап өту қажет, 125 тұлғаның қылмыс орын алған уақытта соттылық мерзімі өткен.

Формальді түрде әкімшілік қадағалау жүргізілген жалпы 207 тұлғаның 7-не (2014 ж - 8) «В» тармағы бойынша әкімшілік қадағалау орнатылған.

Одан бөлек, шартты түрде босатылған 7 тұлға (249 тұлғаның 2,8%-ы) соттың шешімімен түзеу мекемелеріне қайтарылды.

2013-2014 жылдары және 2015 жылдың 9 айында өңірімізде көше қылмыстылығың төмендеу тенденциясы қалыптасты (кесте).

Қала көлемінде үнемі түрде жүргізілетін жедел – профилактикалық іс-шаралардың нәтижесінде өңірімізде қоғамдық қауіпсіздікті қамтамасыз етуде оң септігізін тигізді.

2015 жылдың басынан қала көлемінде «Құқық тәртібі», «Қауіпсіз аула», «Түнгі қала», «Көше», «Жасөспірім-Заң-Қауіпсіздік», «Балалар түнгі қалада» және тағыда басқа 40-тан астам жедел-профилактикалық іс-шаралар жүргізілді.

Жыл сайын автокөлік санының артуына орай, жол қозғалысының қауіпсіздігі күшейтілуде.

Тек соңғы 10 жыл ішінде облыс көлемінде автокөліктер саны 2,2 есеге көбейіп, 142 мың 075 бірлікті құрады (2005ж – 64 241) (кесте).
Кесте 34. 2012-2015 жылдары автокөліктер саны.

2013-2014 жылдары және 2015 жылдың 9 айында облыс көлемінде жол апаттарының саны азаюда (Кестелер).