"Төрлет, құтты Жаңа жыл"
Ақшақар: Барлық жандар бір білікке қосқан үн,
Бақытты боп бастады жыл дастанын.
Қуанышпен келді той деп жаңа жыл,
Құтты болсын жаңа бақыт достарым.
Құрметті қонақтар, Жаңа жыл мерекесіне арналған «Қош келдің, Жаңа жыл» атты кешімізді бастауға рұқсат етіңіздер. Жүрекке жылылық ұялатар алғашқы жаңа жылдық құттықтау сөзді Іле аудандық кітапхананың директоры, Кітапхана ісінің үздігі, Будугулова Қарлығаш Тұранқызына береміз.
Келесі сөз кезегі, Іле ауданының құрметті азаматы, Кітапхана ісінің шебері, Аналар кеңесінің төрайымы Жабиева Мейрамкүл Түйебайқызына береміз.
Ақшақар: Қанекей, балалар ескі жылды қарсы алайық.
Барыс: Сәлеметсіздер ме, кешіккен жоқпын ба, мен сондай асықтым, сондай жүгірдім, кешігем деп қатты қорықтым, уақытында жеттім бе?
Мен тағы бір қонақпын
Он екі жылда оралар
Үлкендерге ақ ниет
Сендерге де ақ ниет
Барлығына мың рахмет.
Қоянды көрген жан бар ма? Неге келмей жатыр қоян?! Мен қазір хабарласайын!
Сол кезде қоянға телефон соғады.
Қоян: Алло, бұл кім?
(Телефонның ар жағынан дауыс естіледі)
Барыс: - Алло, Қоян, менғой барыс. Қайдасың? Қашан келесің?
Қоян: Сәлем, Барыс, мен келіп тұрмын! Тек есікті аша алмай тұрғаным.
Барыс: Енді қайттік?
Қоян: Есікті тек ғажайып шырша ғана аша алады.
Барыс: Ол қалай?
Қоян: - Шырша түбінде балаларға арналған қорапша бар. Қорапшаның ішінде тагі тапсырманы орындаса ғана ғана есік ашылады.
Барыс: Жарайды, жарайды.
Ендеше шырша түбіндегі қорапшаны алайын.Оо, мұнда төрт сұрақ бар екен. Қанекей, ортаға 4 бала келсінші.
1. Көңілсіз бір бала жоқ,
Ойын - күлкі таралсын
Құтты болсын.....
2. Жаңа жылға арналған қандай тақпақ білесіз?
3. Қандай жаңа жылдық ән білесіз, бір шумағын айтып беріңіз.
4. Қызыл мұрын, ақ мұртты
Білсең атын тез ата,
Келеді бізге....
Есік ашылып, қоян ішке кіреді.
|
