Мектептегі психологиялық қызметке дұрыс әлеуметтік сұранысты қалыптастыру мақсатындағы міндет – педагогикалық ұжымды, оқушыларды және ата-аналарды психологиялық ағарту арқылы, сұраныс иелерін психолог жұмысының түрлерімен



жүктеу 81.2 Kb.
Дата05.03.2017
өлшемі81.2 Kb.




Мектептегі психологиялық қызметке дұрыс әлеуметтік сұранысты қалыптастыру мақсатындағы міндет – педагогикалық ұжымды, оқушыларды және ата-аналарды психологиялық ағарту арқылы, сұраныс иелерін психолог жұмысының түрлерімен, бағыттарымен құқықтары және міндеттерімен таныстыру арқылы, бүкіл педагогикалық ұжымды психологиялық қызметтің жұмыс стратегияларын жасауға қатыстыру болып табылады.



Астана қаласының № 34 орта мектебінің 2010-2011 оқу жылындағы психолог жұмысының жарты жылдық есебі
Мақсаты: Психологтың атқарған жұмыстарына тоқталып, шолу жасап, атқарған жұмыстарына байланысты есеп беру.

Мектеп психологы: Усимбекова Мадина Әшірәліқызы.

2010-2011 оқу жылының жарты жылдық жұмысына есеп берер болсақ, көптеген істердің атқарылғандығын көрсетеді.

Қыркүйек айы мен қаңтар айы аралығында мектебіміздің бастауыш буынмен атқарылған бірқатар жұмыстар легі мынадай: Бастауыш сыныптарға сабақ беретін сынып жетекшілерге сауалнама мен тренингтер жүргізіліп, олардың сабақ үдерісінде оқушыларға жүргізілетін ес және ойлау қабілеттерін дамытуға арналған психокоррекциялық жаттығулар ұсынылды. Бірінші сынып үлгерімі төмен оқушылармен түрлі психологиялық зерттеулер жүргізіліп, нәтижесі шығарылды.



1 «а», 1 «ә», 3 «ә», 3 «а» сыныптарына психологиядан балалардың отбасымен, қоршаған ортамен, туыстарымен, ата-анасымен қарым-қатынасының қандай екендігін анықтау мақсатында «Отбасы суреті», «Біздің ұстаз» және «Әлемде жоқ жануар» проективті сурет әдістемесі қолданылып, жүргізілді. Оқушыларға қаншалықты көңіл бөлінетіндігі мен қамқорлықтың, ата-ана тарпынан зейіннің қажет ететіндігі анықталды.

1. Оқушылардың салған «Отбасы суреттері»



2. Біздің ұстаз проективті суреттері



3. Оқушылардың «Әлемде жоқ жануарды» салған проективті суреттері


Мектебіміздің бірінші сынып оқушыларының ата-аналарынан баланың сабағына зейін аударуы мен үй тапсырмасын орындау барысында кездесетін қиыншылықтарды анықтау мақсатында сауалнама жүргізіліді. Ұстаздары мен ата- аналарға ұсыныстар мен кеңестер берілді.

Ал 4-ші «а, ә, б, в» сыныптарына МАБ-ты тапсыруына және оқушылардың мектепке, оқу үдерісіне бейімделуіне байланысты Т.А. Ратанованың «мектепке бейімділік» әдістемесі жүргізіліп, сынып жетекшілері мен пән мұғалімдеріне ұсыныстар тапсырылды. Оқуға деген түрткісі анықталып, пайыздық көрсеткіштермен нәтижесі шығарылды.

Апта аралықтарында бастауыш сыныптардың сабақ үдерістеріне қатысып, психологиялық бақылаулар жүргізілді.

Ағылшын тіліне байланысты 2 «а», 3 «а», 4 «а», 4 «ә» эксперименттік сыныптардағы оқушылардың ата-аналарының пікірін анықтау үшін сауалнама алынды, нәтижесінде ата-аналардың басым бөлігі ағылшын тілін ерте кезеңнен үйренулеріне қолдау көрсетіп, ағылшын сабағы мен пән мұғалімі туралы оң көзқарастарын білдіртті. Ал, ұсыныс ретінде кейбір оқушылармен сабақ барасында оқытудың түрлі әдісін қолдана отырып белсенділігін арттыру мен қосымша баламен жұмыс істеу қажеттігі көрсетілді.

Ал, орта буынға жүргізілген жұмыстар легіне келер болсақ, 5, 6, 7 -ші сынып оқушыларының темперамент типін анықтау мақсатында тест жүргізілді. Сынып оқушыларының неліктен сабақ үдерісінде тыныш немесе шулы болып отыратындығы олардың мінез- құлықтарының әр түрлі тұрақты және тұрақсыз болып келетіндігімен түсіндіреледі.

Оқу үдерісі басталып 1 ай өткеннен кейін 5- сынып оқушыларының бастауыш буыннан орта буынға өту кезіндегі кездесетін қиындықтарын анықтау мақсатында оқушылардан сауалнама алынып, анықтамасы шығарылды. Ұсыныстар берілді.

7 «ә» сынып оқушыларына оқушылардың бойында бір- біріне деген құрмет, достық, жанашырлық, татулық сезімдерін ояту мақсатында «Менің жағымды тұстарым, жақтарым, қырларым ... досымның көзімен» әдістемесі жүргізілді.

8.11.2010 жыл 6 «а» сыныбына оқушылардың бойында бір-біріне деген құрмет, достық, жанашырлық, татулық сезімдерін ояту, қалыптастыру мақсатында «Менің жағымды тұстарым, жақтарым, қырларым ..... досымның көзімен» әдістемесі жүргізіліп, анықтама берілді.

Ағылшын тілі мен араб тіліне байланысты 5 «а», «ә»; 6 «а», «ә»; 7 «а», «ә» эксперименттік сыныптардағы оқушылардың ата-аналарының пікірін анықтау үшін сауалнама алынды, нәтижесінде ата-аналардың басым бөлігі ағылшын тілі мен араб тілін үйренулеріне қолдау көрсетіп, ағылшын және араб тілі сабағы мен пән мұғалімі туралы оң көзқарастарын білдіртті. Ал, ұсыныс ретінде кейбір оқушылармен сабақ барасында оқытудың түрлі әдісін қолдана отырып белсенділігін арттыру мен қосымша баламен жұмыс істеу қажеттігі көрсетілді.

Орта буын оқушыларының сыныптағы көңіл- күйлерін анықтау мен сергіту мақсатында түрлі жаттығулар жүргізіп отырылды. Олармен тікелей неге қызығушылықтары бар екендігі, мектепте тағы қандай қосымша іс-шаралар өткендігін қалайтындығы туралы сауал-сұрақтар қойылды нәтижесі шығарылып, пікір алмасулар жүргізілді.

Орта буын оқушыларының мінез-құлық типін анықтау үшін Айзенк сауалнамасы әдістемесі жүргізілді. Нәтижесінде 50%-сангвиник, 15%- флегматик, 5%- меланхолик, 30%- холерик екендігі анықталды.

Жоғары буын оқушыларымен «Мен өмірді таңдаймын» тренингі суицидті алдын-алу мақсатында жүргізілді. Қатысқан 9 «в» сынып оқушылары, нәтижесінде балалардың бойлары серігіп, түрлі өмірге деген, жанындағы досына деген жағымды пікір алмасулар болып кері процесс жүрді. Ұсыныс ретінде сабақ барысында сынып жетекшілері мен пән мұғалімдері қарым- қатынасқа көбірек түсуі түсіндірілді.

2010 жылдың қазан айының 13 күні тәрбие ұйымымен біріге отырып «Қызым, саған айтам ... » тақырыбымен 45 қыз балаға дөңгелек үстел өткізілді. Қыздарға аналық тәрбиенің мәнін ұғындыру, қыз баланың өзін мектеп қабырғасында ұстай білуі, қыздардың қазіргі таңада мәртебесі қандай деген сұрақтардың мәнін ашып, оқушыларға жеткізу мақсатында жүзеге асырылды.

Ал осы шара ертеңіне 14 қазан күні 45 оқушы ер балаларға «Әке көрген оқ жонар...» тақырыбы аясында жалғасын тапты. Мұнда «үлгілі бала – қандай бала?, оқушының тәртібі қандай болуы керек?, мектеп қабырғасында, күнделікті өмірде сәлемдесу тәртібі туралы» мәселелер қарастырылды. Дискуссия барысында оқушылар өздерінің ойларын ашық жеткізіп, ұсыныстарын айтты. Психолгиялық ситуациялық сұрақтарға жауап беріп, көріністермен көрсетіп жатты. Нәтижесінде оқушылардың бойында көптеген ақпараттармен қамтылып, сергіп қайтты. Бұл жобаның жалғасы сынып сағаттарында жалғасын тапсын деген ұсыныспен шешімін тапты.

Мектебіміздің түлегі болатын 11 «а» сынып оқушыларына ҰБТ-ға байланысты «Талапкерге құлақ- қағыс» дәрісі өткізілді. Мұнда «ммандық таңдағанда неге көңіл бөлу керек?, Қазіргі кезде қандай мамандық мәртебелі?, Бейіміне қарай мамандық таңдау қажет, мамандық таңдаудағы қателіктер» деген тақырыпшалар төңірігінде ақпарат алмасу жүргізіліді.

ҰБТ байланысты 11 сынып оқушыларының бағыт бағдарын анықтау мақсатында сауалнама жүргізіліп, анықтамасы берілді.

Сонымен қатар, келесі кездесулерде оқушылыардың мамандық таңдауына байланысты Голланд тесті жүргізілді. Нәтижесінде оқушылардың ҰБТ- ы бойынша таңдаған төртінші пәндері бейімділіктеріне сәйкес келетіндігі анықталып, анықтамасы берілді. Оқушыларға сабақ үдерісінде психологиялық жағымды қолдау көрсетіп отыру ұсынылды.

ҰБТ – ға дайындалуға байланысты бірқатар кеңестер беріліп, оқушылардың бойында сенімділігін арттыру мақсатында «импульс» жаттығуы жүргізілді. Нәтижесінде оқушылардың бір- біріне және өзіне деген сенімділігі оянып батылдылық пайда бола бастады.

Жоғары буын оқушыларының темперамент типін анықтау үшін мінез-құлық тесті жүргізіліп, нәтижесі шығарылды. Әрбір оқушының экстраверт немесе интроверт типін анықталды. Жоғары сынып бойынша мектебіміздің 79% - экстраверт, 21% - интроверт; 50%- сангвиник, 27%- холерик, 17% - флегматик, 6% - меланхолик екендігі анықталды.



Мектеп - ата-ана байланысын жақсарту мен оқушылардың ата-аналарымен байланысы, қарым- қатынасын анықтау мақсатында мектебімізде ата-аналар жиналысы ұйымдастырылды. Жиналыс барысында 6 сыныптар мен 5- ші сынып оқушыларының ата-аналарына сауаланама жүргізіліп, нәтижесі шығарылды.

10-шы сынып оқушыларынан сабақтастыққа байланысты мектепке бейімделуіне байланысты сауалнама алынды. Нәтижесінде оқушылардың оқуға деген ынтасына байланысты пән мұғалімдері сабақты қызықты әрі белсенді ұйымдастырса, мүмкіндігінше интерактивті тақтаны көбірек қолданылсын деген ұсыныспен анықтамасы шығарылды.

Мектебімізідегі үлгерімі төмен оқушылармен жұмыс жүргізгенде оқушыларға «Артық ұғымның астын сыз», «Суретті есте сақта», «Нүктелерді есіңде сақтап қойып шық» әдістемелері қолданылып жүргізілді. Қорытындысында, оқушылардың есте сақтау деңгейлері әртүрлі орташа, төмен немесе жоғары екендіктерін анықталып көрсетіліп отырды.





Суретті есте сақта Артық ұғымның астын сыз



Нүктелерді есіңде сақтап қойып шық әдістемесі
Дарынды оқушылармен жұмыс.Ғылыми жұмыс қорғауға баратын оқушылармен психологиялық жұмыс 6 «а» сыныбы: 1) Әбіш Серікболсын; 2) Қоржынбай Ерболат биология пәнінен, ал 3 «а» сынып оқушылары Жаналаиева Диана, Даулетова Алсуға жұмыс қорғау барасында өздерін қалай ұстау қажеттігі, дауыс ырғағының қандай болу керектігі туралы кеңес беріліп, сергіту жаттығуы жүргізілді. Оларға психологиялық жағынан сендер жұмыстарыңды жақсы қорғап шығасыңдар, барлығы дұрыс болады, өздеріңмен қорғауға шыққан өзге мектеп оқушыларымен танысасыңдар, өздеріңі жаңа білммен қатар достар табуларың мүмкін деген жадынамамен ақпараттандырылды.

Мектебіміздің ұстаздар ұжымымен жыл басында «Ұжымдағы психологиялық ахуалды анықтау» сауалнамасы алынды. Қазан айында бастауыш сынып мұғалімдеріне ұжымдағы қарым- қатынастан туындайтын кикілжіңдерді басқаруға байланысты тренинг жүргізіліп, анықтамасы берілді. Сонымен қатар мұғалімдерге «менің жұмысым», «мен қандай маманмын» жаттығуы жүргізілді.

Қазан айының 10 күні ұжымдағы жас мамандардың бейімділігін анықтау мақсатында тренинг өтті. Мұнда түрлі сұрақтар қойылып «ашық хат» әдістемесі жүргізілді. Жас мамандардың жұмысындағы қиындықты анықтауға араналған диагностикалық сауал- сұрақ әдістемесі алынып, тренинг нәтижесімен біріктіре отырып анықтамасы берілді.

Мектебіміздің ғылыми- әдістемелік жұмыс жөніндегі орынбасары: Жүнісова Ф.Ү. қатысқан өзін-өзі тану пәні бойынша «Өзін-өзі тану» курсын оқыған Абдрахманова Сымбат, Сағидолдина Гүлназ, Сагдиева Дана, Қасымова Ботагөз, Сейдахметова Равиля, Жұбатов Бағдат, Тезекбаева Ілімжан, Омарова Ғалия, Сағындықова Мадина мұғалімдерінің білімдерін шыңдау мен қарым-қатынас туралы білімін кеңейту, толықтыру мақсатында тренинг өткізіліп, анықтамасы шығарылды.

Орыс тілі, орыс әдебиеті пәнінің мұғалімі: Даутова Жанбике Шарипқызына темперамент типін анықтау мен өзінің психологиялық ішкі дүниесінің күйі мен қоршаған ортамен қатынасын анықтау мақсатында «Үш ағаш телімелі» әдістемесі жүргізіліп, нәтижесі шығарылып, кеңестер берілді.

2010-2011 оқу жылының жарты жылдық есебін қорытындылай келе, жоспар бойынша қойылған жұмыстар легі жүзеге асырылып, психологиялық анықтамалар берілді.



Психологиялық қызметтің жұмысының нәтижелілігін тек мынадай жағдайда көруге болады: психолог пен педагогикалық ұжымның білім беру жүйесіндегі оқыту-тәрбие жұмысындағы кәсіби қарым-қатынас біртұтас болса, бала тәрбиесіндегі психологтың көзқарасы мен ұстаздың балаға деген көзқарастары бірін-бірі толықтырып отырса, ата-анамен, байланыста болса жұмыс өз нәтижесін береді.



Достарыңызбен бөлісу:


©melimde.com 2017
әкімшілігінің қараңыз

    Басты бет